Në Austri urrejtja ndaj myslimanëve është rritur gjatë vitit 2023

Austria ka regjistruar në vitin 2023 numrin më të madh të incidenteve kundër myslimanëve që nga viti 2015 kohë kur këto incidente nisën të regjistrohen, thuhet në një raport të Qendrës së Dokumentacionit mbi Islamofobinë dhe racizmin Anit-mysliman.

Më shumë raste u regjistruan nga tetori deri në dhjetor se në nëntë muajt e parë të 2023. Vendi i parë ku u raportuan më shumë raste nga tetori ishin shkollat, thuhet në raport. Në sektorin e arsimit, incidente anti-myslimane u raportuan nga prindërit, nxënësit dhe mësuesit.

Në përgjithësi, 66,7% e rasteve të dokumentuara kanë ndodhur online dhe 33,7% drejtpërdrejt. Rreth 87.8% e rasteve të dokumentuara në internet kishin të bënin me përhapjen e urrejtjes.

Myslimanët u dehumanizuan dhe u krahasuan me kafshët në komentet në internet, sipas raportit. Raporti tregon se 40.8% e të gjitha rasteve të regjistruara përfshinin trajtim të pabarabartë dhe 19.5% përfshinin fyerje. Përhapja e urrejtjes përbënte 8.9% dhe 2.6% përfshinte sulme fizike.

Në raportin e saj, qendra e dokumentacionit theksoi se statistikat e saj janë një pamje e çastit dhe se numri aktual i rasteve mendohet të jetë dukshëm më i lartë.

Organizata i sheh shifrat si një "zhvillim shqetësues" që po kontribuon gjithnjë e më shumë në një ndarje në shoqëri. Prandaj, qendra e dokumentacionit bëri thirrje që t'i kushtohet më shumë vëmendje urrejtjes anti-myslimane.